Gikostudiya na sa Manolo Fortich Municipal Station ang pulis nga nanulis sulod sa 7/11 convinience store sa Brgy. Damilag, Manolo Fortich, Bukidnon.
Nahitabo ang insident sayo sa kadlawon, kagahapon, kundiin, klaro kaayo ang iyang dagway subay sa CCTV Footages sa tindahan.
Kini maoy gigamit sa kapulisan sa paglusad sa hot pursuit operation, human nakasibat sa tindahan ang suspek nga dala ang gibana-bana 12,000 pesos nga kantidad sa salapi ug pagkaon.
Gikompirmar sa mga operatiba nga personahe sa Malaybalay City Police Station ang suspek, ug residente sa Menzi Village, Damilag.
Subay sa report, mi-angkon ang dinakpan nga siya nagumon sa “online nga sugal” hinungdan nga nahimo ang krimen.
Una nang gitin-aw ni Malaybalay CPS Chief, Lt.Col. Joepet B. Paglinawan, nga “Augmented personnel” sa syuda ang dinakpan ug dili kini regular nga personahe sa ilang istasyon.
Lakip nga narekober sa suspek ang nahibiling salapi ug issued firearm nga gigamit niya sa pagti-on sa cashier sa patigayon.
