Rep. Zia Alonto Adiong slams the defense's use of videos of deceased individuals during the Impeachment Proceedings of Vice President Sara Duterte, calling it unethical.

Gisaway ni Prosecution Spokesperson ug Lanao del Sur Rep. Zia Alonto Adiong ang gihimong pagpasalida sa depensa ni Vice President Sara Duterte sa video nga nagpakita sa mga namatay na nga indibidwal atol sa impeachment proceedings.

Matud ni Adiong, dili etikal ang maong lakang ilabina kung ang mga personahe sa video wala’y direkta nga kalambigitan sa impeachment trial sa ikaduhang labing taas nga opisyal sa nasud.

Gipasabot niini nga ang paggamit sa mga hulagway o video sa mga namatay kinahanglan pagahimoon uban sa husto nga konsiderasyon ug kalabutan sa kaso nga gihisgutan.

Gitumbok usab sa kongresista nga ang maong presentasyon mahimong makapa-divert sa mga isyu nga angay’ng tutokan sa impeachment.

Mipadayag si Adiong sa iyang baruganan nga ang impeachment proceedings kinahanglan magpabiling nakasentro sa mga ebidensiya ug mga isyung tuwirang may kalabutan sa kaso.