CAGAYAN DE ORO CITY – Angayang hinuklugan sa matag-usa ang kon unsa ang tiunay nga kahulugan sa sakripisyo ug pagbuhis kinabuhi sa unang kaliwatang Pilipinhon sa nasud.
Gihimo ni City Mayor Oscar Moreno ang mensahe nunot sa pagsaulog sa ‘Araw ng mga Bayani’ sa nasud ning adlawa.
Miingon si Moreno nga unta puy-an sa katawhan ang mensahe ug kahulugan sa National Heroes Day aron mapasusbay alang sa mosunod pang mga henerasyon.
Gitumbok usab sa mayor ang kasamtangang walay pagkaluya nga pakig-away sa katawhan batok sa dili makita nga coronavirus disease.
Subay sa kasaysayan,kining adlawa ang maisugon nga pagbarog sa mga bayaning Pilipinhon aron batukan ang tropang Espanyol nga sobra 300 ka tuig nga nangulipon sa nasud.
