Gipadayag ni Palace Press Officer ug Presidential Communications Office Undersecretary Claire Castro nga mas gusto sa administrasyon ni Presidente Ferdinand Marcos Jr. nga sulbaron pinaagi sa malinawong panaghisgot ang mga kabalaka sa mga magtutunghang misupak sa gisugyot nga Pax Silica initiative.
Matud ni Castro, giawhag sa administrasyon ang mga magtutungha nga makigpulong sa mga opisyal sa gobyerno ug mosumite og detalyadong position paper aron masuta ug matubag ang matag usa sa ilang mga kabalaka.
Gipasalig usab niya nga bukas ang administrasyon sa pagpaminaw sa mga partikular nga isyu ug panawagan sa mga estudyante.
Nahinumdoman nga nagpahigayon og mga protesta ug campus walkout ang mga estudyante sa nagkadaiyang unibersidad sa tibuok nasud niadtong Biyernes, Nobyembre 13, isip pagsupak sa gisugyot nga Pax Silica initiative ug sa gipaabot nga pagbisita ni US President Donald Trump alang sa 49th ASEAN Summit. (raniel mahunyag)
.jpg "Palasyo, gipatin-aw ang rason sa pagbalhin sa mga opisyal sa gabinete sa administrasyong Marcos")
