“Adopt a Barangay”.
Kini maoy laraw sa City Social Welfare Office (CSWO) sa epekto sa nahitabong sunog sa Barangay 17.
Gibutyag ni Sofia Tongson, Lead social worker nga nag-atiman sa mga nasunugan sa barangay nga gikinahanglan nila ang tabang sa mga silingang barangay aron paspas ang pag-abot sa mga ayuda.
Gani, gilayong nagpadala sa mga tents ang Office of the City Mayor aron adunay temporaryong makatulan ang gibana-bana 800 ka mga indibidwal gikan sa 150 ka mga balay nga nasunog, kagahapon.
Gawas niini, gitin-aw ni Tongson nga andam ang CDO-LGU nga mupakaon sa mga nasunugan hangtud sa duha ka semana, lakip na ang pagtunol sa mga non-food items sama sa mga materyales sa pagtukod subli sa ilang mga balay.
Bukas ang CSWO sa mga ayuda sama sa mga sinina, undergarments, sabon, tubig nga mainom ug uban pang batakang panginahanglan alang sa mga nasunugan
