Wala pay opisyal nga tubag ang gobyerno sa China sa nagviral nga video gikan sa Philippine Coast Guard (PCG) nga makita ang pagbangga sa China Coast Guard vessel (CCG 3104) batok Peoples Liberation Army (PLA) Navy Warship 164 – Guided Missile Destroyer didto sa Bajo de Masinloc, Agosto 11.
Pinaagi sa ilang state TV gibutyag ni China Coast Guard (CCG) spokesperson Gan Yu nga igo lang nila gibuhat ang pagdepensa ang ilang aksyon kay kini “necessary measures in accordance with the law,” lakip ang pag-monitor, pagpugos, pag-block, ug pag-control sa mga barko sa Pilipinas ug palayason sila sa lugar.
Una niini, nanawag ang Medical Aid Officer sa PCG sa Chinese Crew nga posibleng angol sa insident apan wala kini tubaga.
Una nang gipamugos ni Yu nga adunay komprontasi nahitabo sa barko sa China ug Pilipinas apan walay nagbangga.
Ang Ministry of Foreign Affairs sa China wala pay komento sa hitabo.
Unang namugos si PCG spokesperson to the West Philippine Sea Commodore Jay Art Tarriela nga paspas nakalikay ang barko sa PCG dihang nagpakusog sa dagan ang PLA vessel sa China, ug nagresulta sa pagdumbol sa baba nga bahin sa CCG Vessel.
