Duha ang bentahe ni Vice President Sara Duterte sa sayo nga pagpadayag sa iyang presidential bid sa 2028.
Alang kang kanhi City Major Tennix Jaurala, ang unang advantage mao ang pagbaton sa pulso sa masa, ug ang ikaduha mao ang taas nga panahon sa pagpagandam sa iyang ipukos nga plataporma sa katawhan sa Pilipinas.
Nagtoo si Jaraula nga nakadani sa managlahing reaksiyon ang sayo nga pronouncement sa bise presidente, apan ang klaro niini mao nga aduna nay kusog nga kandidato nga magpapili sa sunod nga presidential elections.
Hinoon, gitin-aw ni Jaraula nga usa ra ang makapugong sa bise presidente nga dili maka-abante sa iyang tinguha sa pagkapresident, kini mao ang ruling sa korte suprema, kun ugaling muaginod ang iyang impeachment case sa senado ug siya hingpit nga ma-impeach.
