CAGAYAN DE ORO CITY – Duyog sa panawagan ni Presidente Rodrigo Duterte sa tanan katawhang Pilipino nga magpuyo lang sa paninmalay aron mapugngan ang pagkuyanap sa Corona Virus Infectious Disease o COVID-19, sugod sa adlaw’ng Lunes, Marso 23, 2020, ang Bombo Radyo Philippines temporaryong mu-suspenso sa pagdawat sa mga entries ug pag-anunsyo sa daily winners sa Buena Mano Salvo Promo Year 15.
Hinoon, gi-abisohan ang tanan mga midaug sa Barangay Draw sa miaging Sabado nga mahimong dawaton ang inyong premyo kutob adlaw’ng Biyernes, Marso 27, 2020. Kinasing-kasing kami nga mangayo’g pasaylo sa tanan LOYAL PARTICIPANTS sa Buena Mano Salvo Promo sa suspendido nga pagdawat sa mga entries ug pagtunol sa kinatibuk-ang P8.5-Milyon nga premyo nationwide!
Atangi ang dugang abiso alang sa subling pagpadayon sa promo. Daghang salamat sa kanunay nga pagsabot. Kini nga panihumdum gihatud kaninyo sa tanan naglangkob sa Bombo Radyo Philippines Network.
