Wala sukad maluya ug sibugi sa bokalista sa Original Pilipino Music nga bandang Aegis nga si Mercy Sunot ang pagpakigbatok sa iyang duha ka sakit nga gilakipan sa kanser sa baga ug dughan.
Kini ang rason nga nag-inusara nga milupad sa Amerika si Sunot aron magpatambal sa mag-pito ka bulan nang pagka-diagnose sa maong mga balatian.
Gisaysay sa Cagayan de Oro nga Aegis band vocalist nga lisod ang iyang kahimtang samtang nagpatambal kay nag-inusara lamang kini sa Amerika sa miaging mga bulan.
Siya miingon nga wala niya kalikayi ang sobrang kamingaw sa iyang pamilya apan gi-antos niya kini aron unta maayu sa gihambing balatian.
Gani,gi-agi na lang ni Sunot sa mga pagtambong sa pipila ka imbitasyon aron makatukar sa pipila ka kanta isip pagpalabay oras kaysa maguol sa gibating balatian.
Hisayrang sa wala pa hingpit namatay si Sunot, naka-post pa kini sa social media nga unta mahalaran sa mga pag-ampo kay gusto pa siya mabuhi’g dugay tungod sa iyang pamilya.
