Naka andam ang Armed Forces of the Philippines (AFP) nga mutubag sa panawagan sa gobyerno kung sila mahimong kabahin sa mugnaong crisis committee.
Una nang namahayag si Palace Press Officer Atty Claire Castro nga ang dokumento nalang sa tukurong komitiba ang gihulatan ug kung kinsa ug unsang ahensya ang mga maglangkob niini.
Gibutyag ni AFP Spokesperson Colonel Francel Margareth Padilla nga kanunay anaa sa frontline service ang kasundaluan sa bisan unsang krisis, busa andam sila nga mahimong kabahin sa mandato ni Presidente Ferdinand Marcos Jr.
Gipasalig ni Padilla nga makahatag sa tukmang aksyon ang militarya sa Pilipinas aron masiguro nga maprotektahan ang nasud ug ang katawhan ning panahon sa krisis sa lana.
