Gisiguro sa Philippine Army nga wala silay nakitang hulga sa seguridad nga maka-komprumiso sa unang parliamentary elections sa Bangsamoro Autonomous Region in Muslim Mindanao (BARMM).
Sumala ni Army Spokesperson Col. Louie Dema-ala nga padayon ang monitoring sa mga lugar nga adunay kasaysayan sa election-related concerns aron masiguro nga hapsay ang botohan sa Setyembre 14.
Andam na usab ang Philippine Army sa paghatag sa suporta sa Philippine National Police (PNP) ug sa Commission on Elections (Comelec) aron masiguro ang kalinaw ug kaayohan sa proseso.
Samtang, nagpasalamat ang Office of the Presidential Adviser on Peace, Reconciliation and Unity (OPAPRU) sa mga magbabalaod sa pag-apruba sa sugyot nga nag-reset sa unang regular parliamentary elections sa BARMM. (by Phillip Ariata)
