CAGAYAN DE ORO CITY-Gipasalig ni Armed Forces of the Philippines chief of staff General Rey Guerrero nga manubag ug silotan nila ang mga sundalo nga mohimo’g pag-abuso sa ilang trabaho ilabina sa Mindanao.
Kini nunot sa dugang usa ka tuig nga pagpatuman sa martial law dinhi sa pulo.
Gibutyag ni Guerrero nga gilayon nila nga itugyan sa Commission on Human Rights ang mga kaso sa pag-abusar sa mga sundalo sa pagsiguro nga dili mabulingan ang katuyuan sa mando ni Presidente Rodrigo Duterte.
Gipanganti ni Guerrero nga mahimong aktibo ang military action sa mga lugar diin natumbok nga nagtago ang mga komunistang terorista sa Mindanao.
