Walay hunong ang Armed Forces of the Philippines (AFP) sa pagpapatrolya sa West Philippine Sea bisan pa sa mga kritisismo ug reklamo gikan sa China.
Giingon sa AFP nga legal ug lehitimo ang ilang mga kalihokan kay kini ginahimo sulod sa Exclusive Economic Zone sa Pilipinas.
Gipasiugda sa militar nga dili sila mahadlok sa mga pasangil nga ang patrols maoy hinungdan sa tensiyon sa rehiyon.
Matod pa sa AFP, ang presensya sa mga barko sa China mao ang mas dakong hinungdan sa kawalay kalinaw sa West Philippine Sea.
Gibalik sa AFP ang ilang gibarugan nga ipadayon ang pagpanalipod sa soberanya ug katungod sa Pilipinas sa maong dagat. (Jane/Phillip)
