CAGAYAN DE ORO CITY – Nakasuhan na sa pagsupak sa Comprehensive Dangerous Drugs Act of 2002 ang giingong sakop sa intelligence sa Philippine Army nga nasikop sa buy-bust operation sa Purok 14 Pala-o, Iligan City.
Giila ang suspek nga si Ricky Quilantang, 38-anyos ug molopyo sa Brgy Tubod sa maong syudad.
Gibutyag ni Iligan City Police Sation 5 commander Major Allan Abalde nga miabot sa halos duha ka bulan ang ilang pagmonitor sa suspek ayha nadakpan kagahapong adlawa.
Nakuha sa posisyon sa suspek ang balor P136-mil sa gitoohang shabu ug I.D niini nga miembro sa Barangay Intelligence Network sa Philippine Army.
