CAGAYAN DE ORO CITY – Gipa- surender na sa 4th ID,Philippine Army liderato ni CPP-NPA-NDF Mindanao spokesperson Jorge Madlos alyas Ka Oris sa gobierno aron magbaton sa kinabuhing malinawon.
Gihimo ni 4th ID spokesperson Maj Francisco Garello Jr ang apelar tungod sa sunod-sunod nga pagkapatay sa mga sakop ni Ka Oris samtang nangadakpan ang ilang tag-as nga opisyales nga naglihok sa Northern Mindanao.
Gitumbok ni Garello ang pagkasikop sa magtiayong Manuelito ug Merlyn Sultan sa Gingoog City ingon man ang laing top NPA official sa Bukidnon sa miaging semana.
Wala pa’y labot niini ang pag-surender sa daghan pang mga sakop ni Oris sa Caraga ug dinhi sa rehiyon.
Naghulat usab ang libreng bakuna alang sa mga rebeldeng natakdan sa COVID-19 infections gikan sa kabukiran kon sila motahan.
