Miisa ang Armed Forces of the Philippines sa Red Alert status tungod sa padayon nga epekto sa bagyong Uwan sa nasud.
Gitin-aw ni AFP spokesperson Colonel Francel Margarette Padilla nga gitumong ang taas nga alerto sa pagpangandam sa tanang yunit sa kasundalohan alang ipatuman nga mga operasyon, ilabi na sa humanitarian assistance ug disaster response.
Padayon ang mobilisasyon sa mga Unified Commands ug major services aron motabang sa rescue ug relief operations, kauban ang Office of Civil Defense, lain-laing ahensya sa gobyerno, ug lokal nga panggamhanan.
Gisiguro sa AFP nga andam sila motubag sa tanang panginahanglan sa mga residente nga apektado sa mga katalagman.
