Pirmado na ni Pres Ferdinand Marcos Jr ang balaod nga makapakusog sa programang modernisasyon sa Armed Forces of the Philippines.
Sa wala pa makabiyahe padulong Laos, giseguro ni Marcos nga ma-implementar ang balaod sa Self-Reliant Defense Posture (SRDP) Revitalization Act o mas naila isip Republic Act (R.A.) No. 12024 SRDP Revitalization Act.
Kini na ang pinaka-ambisyoso nga balaod nga gipirmahan ni Marcos alang sa nasudnong depensa kay nagtumong sa pagbubo sa dakung pondo alang sa pagresearch sa defense capabilities sa Pilipinas.
Gitunguha usab makamugna sa kaugalingong armas, sama sa mga nasud sa Amerika, North Korea, Russia, South Korea ug uban pang European countries nga gahimo sa ilang kaugalingong armas.
Gikalipay sa AFP ang maong balaod tungod kay dili na sila magsalig sa mga langyaw’ng nasud kung hisgutan ang pag-research sa mga himoong armas kay ang kaugalingong mga eksperto sa gobyerno ang muhimo niini.(Bombo Anne Quileste).
