CAGAYAN DE ORO CITY – Kasuhan sa militar ang rebeldeng New People’s Army o NPA nga mihimo sa pagsunog sa walo ka sakyanan sa Sitio Anahaw,Brgy Sto Nino,Manolo Fortich,Bukidnon.
Kini human unang giangkon sa CPP-NPA North Central Mindanao Region nga sila nag responsable sa pagsunog sa maong pribadong kabtangan sa miaging semana.
Gibutyag ni 403rd IB civic military officer Capt Ryan Layug nga desperado na ang armadong grupo kay bisan ang brgy tanod ang ilang giatake.Tungod niini, gipanganti ni Layug nga ilang kasuhan ang mga rebelde nga sakop sa NPA-NCMR.
Samtang gipanghimakak sa militar ang alegasyon sa NPA nga kulang sa intelligence support ang sakop sa 8th IB, PA hinungdan nalutsan ug nasunog nila ang mga sakyanan sa Sitio Anahaw,Brgy Sto Nino,Manolo Fortich,Bukidnon.
Sumala ni Layug nga wala lang sila magtoo nga mahimo sa mga rebelde ang maong klase sa pagpangatake diin ilang gipaulanan sa mga bala ang mga brgy tanod ug gipangsunog ang walo ka sakyanan.
Una nang giangkon ni Layug nga nagtoo sila nga criminal gang ang responsable maong kremin.
