CAGAYAN DE ORO CITY – Motabang ang AFP sa pagkumbinser sa huwes nga angay buhian na’g balik si kanhi NPA leader Alfredo Mapano alyas Ka Pares nga gidakop tungod sa pending nga kasong robbery in band sa Bukidnon ug Bayugan City sa Caraga region.
Gidakop si Mapano subay sa warrant of arrest samtang nagtrabaho sa Phividec Industrial Estate sa Tagoloan,Misamis Oriental sa miaging adlaw.
Gibutyag ni 403rd IB commander Brig Gen Ferdinand Barandon nga posibleng wala maapil sa pagpresentar ang tanang kaso ni Mapano sa iyang pag-surender kaniadto rason nga gipadakop kini sa korte.
Si Mapano nagpugos pag-rebelde kaniadto sa Davao City tungod sa abusong-militar nga iyang nahiaguman.
