CAGAYAN DE ORO CITY – Pakyas nga paghatag sa revolutionary tax ngadto sa kinse ka rebeldeng New People’s Army o NPA ang gitumbok sa militar kon nganong gidis-armahan ang mga sekyu nga nagbantay sa quarry site sa Minergy Coal Power Plant diha sa Sitio Bawsan,Brgy Quezon,Balingasag,Misamis Oriental.
Kini human nakuha sa NPA rebels ang lima ka AK-47 rifles nga bitbit sa mga sekyu nga padulong unta mobantay sa quarry site sa maong kompanya.
Miingon si 58th IB,Philippine Army commander Lt Col Roy Anthony Derilo nga tuig 2017 pa gisugda’g pangilkil sa NPA ang Minergy diin klaro nga pagsupak sa international humanitarian law gumikan pag-atake sa grupo sa mga sibilyan.
Gitugyan sa militar sa kapolisan ang pagkaso batok mga rebelde nga responsable sa maong kremin kagahapon sa buntag.
Samtamg dili pagpangilkil sa kinitaan sa Minergy Coal Power Plant apan pagpanalipod sa kahimtang sa panglawas sa mga residente sa Sitio Bawsan, Brgy. Quezon, Balingasag, Misamis Oriental.
Kini ang pangulipas nga gipabati sa nagpailang tigpamaba sa rebeldeng New People’s Army-Misamis Oriental nga si Ka Nicolas Marino kabahin sa pag-atake sa maong kompanya.
Miingon si Marino nga wala sa ilang listahan ang kompanya aron kilkilan sa mga nahimong kinitaan niini.
Namugos ang grupo nga naghatag sa dakong bahad sa kinaiyahan rason nga gusto nila ipahunong ang operasyon sa kompanya sa maong lugar.
