CAGAYAN DE ORO CITY- Nagka-engkuwentro ang militar ug rebeldeng New People’s Army o NPA sa bukirang bahin sa Sitio amansi,Lagonglong,Misamis Oriental.
Kini mismo atol sa kasaulugan sa ika-48 ka tuig nga anibersaryo sa NPA.
Gibutyag ni PNP regional spokesperson Supt Lemuel Gonda nga gihulat usab nila ang report nga mahatag sa 58th IB,Philippine Army nga nag-operate batok sa kalihukan sa mga rebelde sa mismong lugar.
Samtang gihimakak sa 4th ID,Philippine Army nga ilang tropa ang naka-engkuwentro sa rebeldeng NPA sa Lagonglong ning adlawa.
Kini sukwahi sa nakuha nga impormasyon sa PNP-10 diin nagsinukliay sa mga bala ang duha ka panig atol sa anibersaryo sa NPA kagahapong adlawa.
Miingon si 4th ID spokesperson Capt Joe Patrick Martinez nga posibleng nagkaunay ang mga rebelde kay wala’y paglihok sa 58th IB,Philippine Army kagahapon sa hapon.
Sa pagkakaron,dili pa masuta kon may mga kinabuhi nga nakalas o naangol atol sa hitabo.
