CAGAYAN DE ORO CITY – Gi-floating status na sa AFP ang kanhi military officials sa Philippine Military Academy o PMA nga nalutsan sa hazing rason namatay si Cadet 4th Class Darwin Dormitorio sa Baguio City.
Kini human una sila nga gi-recall sa Camp Aguinaldo tungod sa pakyas pagpahunong sa physical maltreatment sa pipila ka kadete sa PMA.
Miingon si PMA spokesperson Capt Cheryl Tindog nga kabahin sa gipaubos sa floating status sila si Maj. Rex Bolo, Capt. Jeffrey Batistiana, Capt. Flor Apple Apostol, Capt. Maria Ofelia Beloy ug Lt. Col. Cesar Candelaria.
Gipaubos usab sa ebalwasyon kon angay ba nga ipaubos sa military general court martial sila si kanhi PMA Supt Lt Gen Ronnie Evangelista ug former Commandant of Cadets Brig Gen Bartolome Vicente Bacarro kinsa opisyales dihang gikulata-patay si Dormitorio niadtong Setyembre ning tuiga.
