CAGAYAN DE ORO CITY – Nagsagol ang pagbati sa pamilyang Dormitorio sa findings sa city prosecutor’s office kabahin sa mga kaso nga ilang gipasaka batok sa upper classmen ni late PMA 4th Class Darwin Dormitorio sa piskalya sa Baguio City.
Kini human dili tanang mga kadete ug AFP officials ang nakasuhan sa hazing ug murder kinsa unang gilambigit sa pag-torture kang Dormitorio sulod sa PMA niadtong Setyembre 2019.
Miingon ang igsoon ni Darwin nga si Dexter Dormitorio nga itugyan una nila kini sa ilang abogado ug hisgutan sa pamilya ayha sila mohatag komento sa resulta sa imbestigasyon sa kaso.
Subay sa resolusyon,kasong hazing ang gipasaka sa prosekusyon batok sa mga kadete nga sila si Shalimar Imperial Jr,Felix Lumbag Jr,Julius Carlo Tadena.
Samtang kasong pagpatay usab ang gi-rekomendar sa piskalya batok kanila ni Imperial,Lumbag,AFP Capt Flor Apple Apostol,Maj Maria Ofelia Beloy ug Lt Col Ceasar Candeleria.
Samtang laing kasong slight physical injuries batok sa mga kadete nga sila si Tadena,Christian Zacarias.
Samtang walay kaso nga atubangon sila si Cadet 1st Class Axl Rey Sanopao,3rd Class Rey David John Volante,3rd Class John Vincent Manalo,AFP Maj Rex Bolo,AFP Capt Jeffrey Batisiana ingon man si AFP Lt General Ronnie Evangelista ug Brig Gen Bartolome Vicente Bacarro tungod sa kakulang sa mga ebedensiya.
