CAGAYAN DE ORO CITY- Gipadayon sa militar ang opensiba kontra rebeldeng New People’s Army o NPA sa bukirang bahin sa rehiyong Amihan ug Caraga.
Kini bisan gitamod sa mga NPA ang ilang laing tuig anibersaryo diin gilauman sa gobierno nga mohimo sila’g pagpanghasi karong adlawa.
Si 4th ID spokesperson Capt Joe Patrick Martinez miingon nga hangtod dili wagtangon ni Pres Rodrigo Duterte ang kamanduan nga all out war batok rebelde,sila mohimo sa mga opensiba sa kabukiran.
Gilauman sa kapolisan nga mohimo’g pag-atake o pagpanghasi ang rebeldeng New People’s Army o NPA sulod ning adlawa.
Kini ilabina nga gilab-as sa maong grupo ang ilang pagkatukod mismo ning adlawa sa tibuok nasud.
Gibutyag ni PNP regional spokesperson Supt Lemuel Gonda nga naka-full alert status ang tanang pulis ug gimanduan nga dili magpasagad sa ilang mga lihok aron dili malutsan sa mga rebelde.
Gikaminusan lamang sa liderato sa Camp Aguinaldo ang kasaulugang anibersaryo sa rebeldeng New People’s Army o NPA ning adlawa.
Gibutyag ni AFP spokesperson Brig/Gen Restituto Padilla nga sukad naporma ang mga rebelde,walay bisan usa nga matawag nila nga kalampusan niini.
Bugtong pagpangdaut,pangilkil ug pagpamatay lamang ang gipamugos ni Padilla nga nangahimo sa NPA.
