CAGAYAN DE ORO CITY-Mangunay paglusad sa operasyon ang militar ug kapolisan sa mga lokasyon nga gipondohan sa mga sakop sa CPP-NPA dinhi sa rehiyon.
Kini sa tuyo nga pugngan ang pag-atake sa CPP-NPA sa vital installations sa gobierno ilabina nga nagkasingabot na ang ilang anibersaryo sunod semana.
Gibutyag ni PNP regional spokesperson Supt Lemuel Gonda nga gilauman na nila ang opensiba sa CPP-NPA hinungdan nga mismo na tropa sa gobierno ang mohimo’g lakang aron tumbukon ang gipangtaguan niini.
Samtang gisaway ni 4th ID spokesperson Capt Joe Patrick Martinez ang gipasiatab sa CPP-NPA nga selebrasyon sa ilang anibersaryo sunod semana.
Miingon si Martinez nga dili angay tawgon nga selebrasyon ang maong kalihukan sa mga komunista kay pulos giingong kadaot lamang ang gidala niini alang katawhan.
Kini ang hinungdan nga gingkusgan pa nila ang ilang operasyon kuyog ang kapolisan aron masanta ang tinguha nga mohimo’g atake ang maong grupo sunod semana diin mag-selebrar sila sa ilang anibersaryo.
