Posibleng adunay gidepensahan ang mga kadagkuan sa Armed Forces of the Philippines (AFP) ilabe na ang ang ilang chief of staff nga si Presidente Ferdinand Marcos Jr., ang usa sa gitudlo sa 18 ka retired marines nga ilang napadalhan sa maleta sa Ilocos.
Kini maoy gitoohan ni Retired – Airforce General Romeo Poquiz, Convenor sa Union Peoples Initiative, human gisalikway sa AFP ang ilang mga pahayahag nga gigamit sila aron mag-deliver sa dagkong kantidad sa salapi nga nakasulod sa mga maleta padulong sa mga kaalyado sa ni ex-Congressman Zaldy Co ug kanhi Speaker Martin Romualdez.
Busa aron mahatagan sa katin-awan ang tanan, gi-awhag ni Poquiz ang Office of the Ombudsman nga imbestigaran ang giturn-over nga mga dokumento ug dili kini baliwalaon kay mga highranking officials ang nalambigit sa pagdawat sa minilyong salapi nga nakasulod sa maleta.
Gihagit ni Poquiz si Ombudsman Jesus Crispin Remulla nga dawaton ang reklamo sa mga kanhi marino ug dili kini talikdan kay dili tiaw ang ilang pagpatim-aw sa publiko lakip na ang salapi nga ilang gibulgar nga maoy hinungdan nga daghang mga namatay sa baha kay gikurakot man ang pondo para sa flood control.
