CAGAYAN DE ORO CITY – Giisa sa Armed Forces of the Philippines (AFP) ang ‘red alert status’ taliwala sa gi-implementar nga Martial Law sa tibook isla sa Mindanao, sa pagbalaan sa Mahal nga Adlaw.
Namahayag si 403rd IB Civil Military Officer 1st Lt. Kenneth Cabbigat nga naka-alerto ang tanan kasundaluan sa tanan klase sa kagubot nga paluyuhan sa mga sakop sa New Peoples Army, ning semanaha.
Nagtoo ang militar nga walay gikahadlukan nga Ginoo ang mga rebelde kay sayon ra kanila ang mupatay ug tawo, kusog mangilkil, ug naghupot sa ilang kaugalingong balaod nga nakasupak sa balaod sa Pilipinas.
