CAGAYAN DE ORO CITY – Gihupay sa militar ang kalisang sa publiko nga nasudlan sa armadong grupo ang mga residente nga nagpuyo sa Sitio Batinay,Brgy Tagpangi ning syudad.
Kini human unang milugwa nga anaa sa 50 ka armadong kalalakihan nga laraw mohimo’g kasamok sa maong lugar kagahapong adlawa.
Namahayag si 403rd IB,Philippine Army commander Col Edgardo de Leon nga sukwahi sa nagkatag nga dunay rebeldeng New People’s Army o NPA,dili kini tinood ug usa ka tsismis lamang.
Dugang ni De Leon nga hayan manubag niini ang mga opisyales sa brgy kay gipasagdan lamang nga mangbakwit ang mga residente gumikan sa sayop nga impormasyon.
Una nang gibutyag ni Gil Araneta,principal sa Tagpangi National High School nga dili kini kumbinsido nga gisudlan sila’g daghang armadong
tawo sukwahi sa tsismis sa pipila ka residente sa ilang brgy.
