CAGAYAN DE ORO CITY-Gi-depensa sa Communist Party of the Philippines -New People’s Army o CPP-NPA nga gitumo-tumuan lamang sa PNP ug AFP ang unom ka mag-uuma nga gidakop subay sa mando sa korte sa syudad.
Kini human unang gisikop pinaagi sa warrant of arrest sila si Ireneo Udarbe sa Kilusang Magbubukid ng Pilipinas Region 10 ug Datu Jomorito Goaynon sa Kalumbay Lumad Organization sa kasong multiple murder sa sa syudad.
Gibutyag ni Ka Malim Mabini,tigpamaba sa CPP-NPA North Central Regional Command nga dili mga rebelde si Udarbe ug Goaynon sukwahi sa pasangil sa gobierno.
Namugos si Mabini nga kon rebelde pa sila si Mylene Coleta,finance officer;Marivic Coleta,political cadre;Annabelle Manseguiao,kanhi medic ug Jerry Basahon,political cadre atua unta sila sa bukid diin nagbitbit sa mga armas.Gisikop ang magsoong Coleta,Manseguiao ug Basahon subay kay nakuhaa’g armas ug granada sulod sa balay sa Brgy Looc,Villanueva ning lalawigan.
Samtang dili na angay ipangugat sa CPP-NPA North Central Regional Command ang pagdepensa sa unom ka sakop nila nga nadakpan sa magkalahi nga operasyon sa mga otoridad sa syudad ug lalawigan.
Kini human namugos ang mga komunista nga dili nila miembro sila si Ireneo Udarbe;Datu Jomorito Goaynon; Mylene Coleta;Marivic Coleta;Annabelle Manseguiao ug Jerry Basahon.
Miingon si 4th ID commander Maj Gen Ronald Villanueva nga mismo ra nag-angkon ang CPP-NPA nga kaanib nila ang mga grupo nga giapilan sa mga dinakpan.
Nag-usa ang militar ug kapolisan rason nadakpan sa magkalahi nga court orders ang mga suspek sa syudad ug lalawigan sa miaging semana.
