CAGAYAN DE ORO CITY- Gihagit karon sa militar si National Democratic Front o NDF senior adviser Luis Jalandoni nga silotan ang grupo ni North Central Mindanao Regional Command Ka Allan Juanito.
Kini human angkona ni Ka Juanito nga ilang grupo ang mipatay kanila ni Cpl Pat Non, Cpl Nino Christopher Talabor ug Sgt Owen Yee pinaagi pag-ambush sa Malaybalay City,Bukidnon sa miaging semana.
Gihimo ni 4th ID spokesperson Capt Joe Patrick Martinez ang hagit tungod kay tuyo itu-is ni Jalandoni nga sundalo ang naghimo sa brutal nga kamatayon sa mga biktima ug dili taga-NPA.
Gani,gi-detalye sa sulat-pahayag ni Ka Juanito ang hinungdan pag-atake ug ang pagpangayo’g pasaylo niini ngadto sa mga pamilya sa nahisgutang mga sundalo.
Samtang walay ikaayo tali sa pundok sa gobierno ug pundok CPP-NPA-NDF ang deklarasyon nga all out war.
Kini maoy pagpabati sa kahingawa’g kabalaka sa simbahang Katoliko ngadto sa duha ka panig nga anaa sa kapursigido paglusad sa giyera palibot sa nasud.
Gibutyag ni Cagayan de Oro Archdiocese consultor Msgr Rey Manuel Monsanto nga kadaot ug kalisang lamang sa katawhan ang dad-on sa mahitabong gubat tali militar ug mga rebelde.
Hinoon,miingon si Monsanto nga may punto si Pres Rodrigo Duterte sa gipakanaug nga hukom apan wala matago niini ang kabalaka nga makapabilo kini sa deklarasyon sa martial law sa nasud.
