CAGAYAN DE ORO CITY-Gisalikway sa militar nga hinimuan sa Bangsamoro Islamic Freedom Fighters o Abu Sayyaf
Group ang tulo ka eksplosyon sa Lanao del Norte.
Si AFP Western Mindanao Command spokesperson Lt Col Gerry Besana miingon nga imposible nga maggikan sa BIFF ug Abu Sayyaf ang pagsabwag kagubot ilabina nga isolated lamang ang grupo sa Maguindanao,Basilan ug Sulu.
Nagtoo si Besana nga residente sa Lanao Norte ang responsable sa improvised explosive devices eksplosyon sa Lala, Kauswagan ug grenade explosion sa Sultan Naga Dimaporo.Hinoon,walay tawo nga samaron sa maong pagpabuto sa adlaw nga wala pa gihimo ang plebisito sa maong
lugar.
Samtang gisunod na sa PNP ang duha ka person of interests o POIs sa pagpabusikad sa besperas sa plebisito sa Bangsamoro Organic Law sa tulo ka lungsod sa Lanao del Norte.
Kini human unang mibuto ang mga bomba sa lungsod sa Lala ug Kauswagan samtang gisundan sa grenade explosion sa Sultan Naga Dimaporo.
Dili pa matumbok ni Task Force Plebiscite Commander Army Col. Alex Aduca kon sa unsa nga grupo ang mga responsable.
Sa pagkakaron,gipalawom pa sa mga otoridad ang imbestigasyon aron mataral sa hukmanan ang mga suspek niini.
