CAGAYAN DE ORO CITY – Gipasiatab sa rebeldeng New Peoples Army o NPA ang ilang sunod-sunod nga operasyon sa probinsiya sa Bukidnon.
Sumala ni Ka Marino, tigpamaba sa NPA-Misamis Oriental nga giingong milampos sila sa pag-atake sa tropa sa militar sa Sitio Nabato, Barangay Busni, Malaybalay City ug Sitio Mahan-aw, Brgy Burnay, Impasug-ong Bukidnon.
Gani,gipasigarbo usab niini ang ilang malampuson nga pagpabusikad sa duha ka bomba sa usa sa mga lugar sa Bukidnon.
Nagtoo si Ka Marino nga tungod sa huyang nga intelligence monitoring sa militar, wala sila’y nahimo aron pugngan ang ilang pagpangatake.
Samtang gipanghimakak sa militar ang alegasyon sa rebeldeng New Peoples Army nga milampos sila sa ilang sunod-sunod nga operasyon sa probinsiya sa Bukidnon.
Gitawag ni 403rd Brigade Commander Brig Gen Edgardo de Leon nga dakong bakak ang pahayag sa walhong grupo nga adunay engkwentro nga natigayon sa Sitio Nabato, Brgy Busni, Malaybalay City ug Sitio Mahan-aw, Brgy Burnay, Impasug-ong Bukidnon kay wala’y tropa nga naka-assign sa maong lugar.
Gibutyag usab niini nga dakong bakak ang alegasyon sa mga rebelde nga nakapabuto sila’g duha ka landmine kagahapon sa buntag.
