CAGAYAN DE ORO CITY – Gikataw-an lamang ni AFP Westmincom spokesperson Lt. Col Jerry Besana ang report nga naglaraw si Maute-ISIS group leader Benito Marahomsar alyas Abu Dar nga makig-alyansa sa Bangsamoro Islamic Freedom Fighters o BIFF.
Kini tungod kay mihinay na ang ilang grupo human sila biya-e sa mga kauban niini dihang natukod na ang Bangsamoro Autonomous Region in Muslim Mindanao o BARMM.
Nagtoo si Besana nga panaghap lamang ang maong report apan gikompirmar niini nga mihinay na ang grupo ni Abu Dar.
Paningkamutan karon sa militar nga dili makaggawas sa Lanao del Sur ang Maute-ISIS terrorists.
Si Abu Dar ang kabahin sa miatake sa katawhan sa Marawi City sa tuig 2017.
