CAGAYAN DE ORO CITY – Miprangka si CPP-NPA North Central Mindanao Regional Committee spokesperson Ka Malem Mabini nga dili nila mahatag ang hangyo ni Pres Rodrigo Duterte nga ilang hunongon ang pagpangilkil sa mga pulitiko ug sa mga dagko nga kompaniya.
Sumala ni Ka Mabini nga dili extortion ang pagpangayo nila sa revolutionary taxes.
Asoy niini nga gikinahanglan nila ang revolutionary tax tungod kay mao
kini ang nagpadagan ug gisaligan sa ilang grupo.
Ning panahon sa eleksyon, galusad sa CPP-NPA sa permit to campaign ug permit to win fees sa mga pulitiko.
Samtang madid-an nang makabiyahe ang mga kandidato sa padulong sa Uropa ug Amerika kon masapon sila
mohatag sa pagpangilkil sa CPP-NPA.
Kini human unang giangkon sa maong grupo nga wala sila’y palutson nga mga kandidato samtang mohimo’g pangampanya sa ilang kontroladong mga lugar sa 2019 midterm elections dinhi sa rehiyon.
Gihimo ni 403rd Brigade commander Col Edgardo de Leon ang pasidaan aron dili mangahas ang mga kandidato pagsanong sa permit to campaign ug permit to win fees sa CPP- NPA.
Namahayag si De Leon nga dali ra ang pagtambok sa maong mga kandidato ilabina nga sunod-sunod na ang pag-surrender sa mga rebelde diin mabulgar ang kalihukan sa komunistang pundok.
