CAGAYAN DE ORO CITY- Giawhag sa Armed Forces of the Philippines ang publiko nga mag-alerto sa gipagawas nga propaganda sa mga kabanay sa napatay’ng mga teroristang Maute-ISIS aron masuko ang ngadto sa gobierno.
Kini human nakadawat sa impormasyon ang militar nga gigamit nga propaganda ang kasong pagpangawat sa pipila ka sundalo sa kabtangan sa mga bakwit sa Marawi City.
Miingon si 4th ID,Philippine Army spokesperson Capt Joe Patrick Martinez nga wala nila pasagdi ang kaso sa unom sa ilang kauban nga nalambigit sa pagpangawat apan angay dili limtan ang sakripisyo sa mga sundalo ug kapolisan nga namatay aron dili mailog ang Marawi City.
Sa lima ka bulan nga giyera sa Marawi City,165 sa state forces ang namatay samtang kapin 2-mil ang samaron aron masumpo lamang ang mga terorista.
