CAGAYAN DE ORO CITY- Gikompirmar karon sa militar nga mo-abot na lamang sa 26 ka bihag ang pabiling gikuptan sa Maute-ISIS terror group sa battle zone sa Marawi City.
Kini ang gibutyag ni AFP Public Affairs Office Chief Col Edgard Arevalo human naluwas sa mga sundalo ang 17 ka bihag kagahapong adlawa.
Ang mga na-rescue gilangkuban sa siyam ka lalaki ug walo ka babaye. Si Arevalo miingon nga walay hunong ang operasyon sa militar aron maluwas ang nabilin pang mga bihag.
Samtang nalukong na pag-maayo ang teroristang Maute-ISIS sulod sa pito ka ektarya na lamang nga ginlapdon sa war zone sa Marawi City.
Gikompirmar ni Edgard Arevalo nga mo-abot na lamang sa 40 ka terorista ang gigukod sa mga sundalo sa battle area. Nagtoo ang opisyal nga molungtad na lamang sa pipila ka adlaw ang krisis sa syudad sa Marawi.
