CAGAYAN DE ORO CITY- Napatay sa gilusad nga air strike ang usa sa mga anak nila ni late Engr Cayamora ug Farhana Maute nga si Abullah Maute sa Marawi City.
Kini ang gikompirmar ni AFP Western Mindanao Command commander Maj Gen Carlito Galvez Jr nga nangulo sa pagpulbos sa grupong Maute-ISIS sulod na sa kapi’g tulo ka bulan sa Marawi City.
Gibutyag ni Galvez nga tungod sa kamatayon ni Abullah,mohuyang na pagsamot ang kalihukan sa mga terorista sulod sa main battle area.
Namahayag usab si Galvez nga samaron usab ang igsoon ni Abdullah nga si Omar Maute samtang kuyog niini ang lider sa Abu Sayyaf Group nga si Isnilon Hapilon.
Nasayran nga kapi’g 800 ka tawo na ang nakalas sukad ang kagubot sa Marawi City diin sobra sa 600 niini ang terorista.
