CAGAYAN DE ORO CITY – Gi-konsidera na sa Philippine Army nga anaa sa ‘inactive status’ ang New People’s Army o NPA nga armadong puwersa sa Communist Party of the Philippines nga sobra lima ka dekada nang nakigbatok sa gobierno dinhi sa nasud.
Gihimo ni Philippine Army spokesperson Col. Louie Dema-ala ang pahayag nunot sa laing political officer sa CPP-NPA Southern Mindanao Regional Committee ang patay sa ilang tropa sa engkuwentro sa Quezon,Bukidnon sa miaging semana.
Kini ang rason nga walay hunong ang paggukod sa tanang lower units sa AFP batok sa 11 na lang ka hinay nang aktibong guerilla fronts sa CPP-NPA nga naglakip sa probinsya sa Bukidnon ug Caraga region.
Samtang wala pa’y gilugwa nga tubag niini nga pahayag sa militar ang panig sa komunistang grupo.
