CAGAYAN DE ORO CITY-Giakusahan sa militar ang rebeldeng New Peoples Army nga nangilad lamang sa pagdeklarar sa lima ka adlaw nga unilateral ceasefire tali sa gobierno epektibo Disyembre 25 hangtod bag-ong tuig.
Kini ang hinungdan nga walay ipatuman nga suspension of military operation o SOMO ang militar batok sa mga rebelde.
Miingon si 4th Infantry Division Philippine Army spokesperson 1Lt. Tere Ingente nga gihimo lamang sa NPA ang ceasefire aron makasaulog sa sa ilang ika-50 ka tuig nga anibersaryo ug magpakusog sa puwersa.
Dugtong ni Inghente nga laraw usab sa NPA nga makakuha’g simpatiya sa katawhan kay mahimong dautan ang AFP kon balibaran nila kini.
Apan gipamugos ni Inghente nga dili sila magpadala sa maong taktika gumikan kay nasayod sila sa tinood nga tumong niini.
