CAGAYAN DE ORO CITY-Gisupak unta sa militar nga namatay na ang founder sa grupong Maute nga unang nagsabwag kagubot sa lungsod sa Butig ingon man sa Marawi City,Lanao del Sur.
Gibutyag ni AFP chief of staff Gen Eduardio Anio nga dili pa unta angay mamatay si Maute founder Engr Cayamora Maute kay dako kini’g tulubagon sa katawhan sa Marawi City.
Apan tungod sa gihambing komplikasyon ni Maute kinsa kanhi sakop sa MILF,namatay kini samtang detinado sa Bicutan Jail sa kauluhan sa miaging adlaw.
Dugtong niini,namahayag si AFP spokesperson Brig/Gen Restituto Padilla nga gi-alerto nila ang tanang units ubos sa Western Mindanao Command sa posibleng divertionary attack nga himoon sa alyado sa Maute group nga nakig-anib sa Abu Sayyaf Group ug ISIS.
