(Update) CAGAYAN DE ORO CITY-Gilayong sugdan sa gobierno kuyog ang mga alyadong grupo niini nga
lapad nga reconstruction,rehabilitation ug rebuilding efforts alang sa Marawi City.
Gibutyag sa Bombo Radyo ni AFP spokesperson Maj Gen Restituto Padilla nga gilayong ipatuman ang mga
programa alang sa subling pagbangon sa libuang mga residente.
Miingon si Padilla nga gusto usab nila makuha ang tabang sa katawhang Pilipinhon aron mas mapadali ang
subli pagbarog sa Marawi City nga sugdan sa mga mosunod nga bulan.
Hinoon,gibutyag sa henearl nga dili pa nila mawagtang ang deklarasyon sa martial law kay wala pa nasikop
ang mga kauban nila ni Omar Maute ug Isnilon Hapilon diin gihuptan pa ang mga bihag.
Hisayrang human mapatay sa militar si Omar ug Hapilon,gilayong mibisita si Presidente Rodrigo Duterte sa
tropa ug opisyal gideklarar ang pagka-gawasnon na sa Marawi City.
