CAGAYAN DE ORO CITY- Gikalipay sa 4th ID Phil Army ang gipalugwang interim ceasefire tali na sa gobyerno batok sa NPA-terror group didto sa The Netherlands sa milabay’ng adlaw.
Apan alang kang 4th ID spokesperson Capt. Joe Patrick Martinez nga bisan nga wala pa’y kasiguraduan nga mapatuman nga bilateral ceasefire, padayon ang ilang paglaum nga mahatagan na ug kasulbaran ang 48 anyos nga insurhensiya sa Mindanao nga pinaluyuhan sa mga walhong pundok nga sakop ni Jose Maria Sison, kinsa nakabase sa The Netherlands.
Giklaro ni Martinez nga dili ang gobyerno ang miluhod sa NPA aron mapalabang ang nasampit nga ceasefire.
Samtang dili pa mupatuman ang suspension of police operation o SOPO taliwala sa gipalabang nga “interim ceasefire” sa GRP peace panel tali sa mga representante sa NPA-terror group.
Matud ni PNP regional spokesperson Supt Lemuel Gonda nga naghulat pa sila sa direktiba gikan sa PNP head office kung dunay pag-oktaba sa ilang opensiba batok sa mga rebeldeng pundok nga gapanghasi sa mga hinterland barangays sa amihanang mindanao.
Dugtong niini, malaumon ang mga kapulisan nga mapalabang ang bilateral ceasefire aron masugdan na ang hisgutanang kalinaw sa Mindanao.
