CAGAYAN DE ORO CITY-Gikalipay sa 4th ID,Philippine Army ang pagkasikop sa tulo ka sibilyan nga nagpalusot sa mga bala sa tag-as nga kalibre sa armas sa highway sa El Salvador City.
Kini human nabawi ang mga kahon sa mga bala gikan sa Marawi City nga dala sa mga suspek nga magtiayong Jerry ug Almania Balabat ug Serio Pangitahon padulong unta sa General Santos City.
Gibutyag ni 4th ID spokesperson Capt Joe Patrick Martinez nga gihulat nila matumbok kon unsa nga army unit konektado si
Capt Rey Villacampo aron gilayong masugdan ang imbestigasyon.Dili usab gawasnon sa mga kaso ang tulo ka sibilyan diin nakuha gikan sa ilang gimaneho nga sakayanan ang nagkadaiyang klase sa mga bala gikan sa Marawi City.
Samtang hayan kasuhan na sa kapolisan ang tulo ka sibilyan nga nakuhaa’g mga bala sa tag-as nga kalibre sa armas atol sa check point sa El Salvador City.
Kini human napaubos na sa imbentaryo ang mga nabawi nga mga bala gikan kanila sa magtiayong Balabat ug Serio Pangitahon nga dad-on unta sa General Santos City.
Gibutyag ni C/Insp Richard Catipay,deputy commander sa El Salvador City Police Station nga pakyas maka-presentar sa permiso ang mga suspek hinungdan sila gi-hold ug gitakdang kasuhan.
Atubangon sa mga suspek ang illegal possession of ammunitions ug illegal possession of explosives sa piskalya ning adlawa.Samtang namugos si Balabat nga angay manubag si Villacampo sa pagkakompiskar sa mga bala sa armas nga nabawi gikan kanila.
Kini human namugos si Balabat nga igo lamang nila gikuha ang mga bala sa kampo sa Iligan City aron i-biyahe padulong sa General Santos City.
Natingala si Balabat nga gidakop siya kuyog ang iyang kapikas nga si Amalia ug Pangitahon nga unta si Villacampo ang nagsugo kanila pagkuha niini.
