CAGAYAN DE ORO CITY-Gikompirmar ni AFP-Western Mindanao Command commander Maj Gen Carlito Galvez Jr nga napatay na nila ang pipila sa mga miembro sa pamilyang Maute nga kabahin sa mi-atake sa Marawi City.
Kini subay sa gihatag nga impormasyon sa mga sundalo nga maoy nakasangka sa mga terorista sulod sa war zone sukad sa Mayo 23 ning tuiga.
Namahayag si Galvez nga posibleng nag-binugtong na lamang si Abdullah Maute kay una nang napatay sila si Omar,Madie ug lain pang igsoon nila atol sa engkuwentro.
Hinoon,may report usab nga hayan naka-eskapo na si Abdullah ilabina nga wala na kini ma-engkuwentro sa mga sundalo sulod sa war zone sa pila ka mga semana.
