CAGAYAN DE ORO CITY-Delikado na ang kahimtang sa hostages sa gilusad nga ‘last push’ sa tropa sa gobyerno batok sa mga nabilin nga miembro sa Maute sa Marawi City.
Kini human nagbahad ang Armed Forces of the Philippines nga lauman ang taas nga ihap sa casualties tungod sa ilang pagpaningkamot aron mailog sa gobyerno ang Islamic City sulod sa 3 ka semana.
Matud ni AFP Western Mindanao Command chief Lt. Gen. Carlito Galvez Jr nga miggamit sila’g teknolohiya aron maseguro nga dili makaggawas nga buhi ang mga terorista sa maong lugar.
Samtang target sa operasyon sa militar sa Marawi City ang nabilin nga Maute brothers nga si Omarkhayyam Maute.
Si Galvez Jr miingon nga ila usab gihataga’g pagtagad ang pagkuha’g ebidensiya sa napatay’ng si Abdullah Maute isip pagmatood nga namatay na kini.
Samtang, gikumpirmar ni Galvez nga gitugutan na nilang makauli sa ilang panimalay ang mga residente sa unom ka brgy sa Marawi human ma-cleared ang lugar batok sa mga terorista.
Sa pinakaulahing talaan sag militar nasa 145 state troops na ang namatay, 645 terrorists ug 45 civilians sa kagubot sa Marawi City.
