CAGAYAN DE ORO CITY – Milusad sa surgical air strike ang tropa Philippine Air Force isip aerial support sa ground troops sa Philippine Army batok sa nabiling mga sakop sa napatay nga si National Democratic Front Mindanao spokesperson Jorge Madlos alyas Ka Oris sa bukiran sa Sitio Gabunan,Brgy Dumalaguing,Impasug-ong,Bukidnon kagabii.
Gibutyag sa kanhi empleyado sa munisipyo nga si Alex Dufino nga sunod-sunod nga dagkong mga buto sa mga bomba gikan sa fighter jest sa Air Force ang nabati dili lamang sa Bukidnon apan bisan dinhi sa syudad ug lalawigan.
Hinoon,wala na kini gikakurat sa mga opisyal sa lungsod ug probinsya sa Bukidnon kay daan nang nag-abiso si 4th ID commading officer Maj Gen Romeo Brawner Jr nga mohimo sa pursuit operation ang tropa sa gobierno batok sa nagdumili pag-surender nga sakop ni Ka Oris.
Sa pagkakaron,wala pa’y gihatag nga katin-awan usab niini ang militar kabahin sa surgical airstrike nga ilang gihimo sa maong lungsod gabii.
