CAGAYAN DE ORO CITY- Gitin-aw karon AFP spokesperson Brig/Gen Restituto Padilla nga dili prisoners of war ang mga dinagit sa mga rebeldeng New People’s Army o NPA nga naglakip sa 5 ka sundalo ug usa ka pulis dinhi sa Mindanao.
Siya mi-ingon nga mga kidnap victim ang mga gipanghuptan sa mga rebelde tungod kay walay gubat o engkwentro nga nahitabo atol sa ilang pagdagit sa pipila ka mga sundalo o pulis.
Gihimo ni Padilla ang katin-awan alayon sa pahayag sa mga rebelde nga andam nila buhian ang mga bihag tungod sa pasalig ni Pres Rodrigo Duterte nga ipagawas na usab sa gobierno ang 400 ka prisoners of war gikan sa bilangguan.
Hisayrang kabahin sa gihawrian sa mga rebelde si PO2 Gerome Anthony Natividad nga nadagit sa Bukidnon sa miaging Pebrero ning tuiga.
