CAGAYAN DE ORO CITY-Gibaharan ni AFP spokesperson Brig Gen Restituto Padilla ang tanang kasundaluhan nga dili mosobra sa ilang ihatag nga pag-abag sa PDEA ilabina kon mohimo’g anti-drug operations dinhi sa Amihang Mindanao.
Kini human nagsugod na ang militar sa paghatag suporta sa PDEA aron gukdon ang dagkong pundok nga nagpayuhot sa gidiling droga.
Gibutyag ni Padilla nga gidili sa tanang kasundaluhan ang paghimo’g pagpangdakop sa suspected drug pushers ug users kay dako kining kasupakan sa ilang tahas.
Ang pag-uban sa AFP ug PDEA ang subay sa mando ni Pres Rodrigo Duterte aron ipakusog pa ang gubat kontra droga sa nasud.
Hisayrang may gisudluhan nga pirmahay pinaagi sa memorandum of understanding o MOU ang duha ka ahensya alang sa maong katuyuan.
