CAGAYAN DE ORO CITY-Gikondinar sa kasundaluhan ang NPA rebels nga migamit ug mipabuto sa improvised explosive device o IED sa tropa sa 1st Special Forces Batallion diha sa Brgy Pitogo,Kitaotao,Bukidnon.
Kini human unang nagresulta sa kamatayon sa usa ka sundalo ug laing 11 ang samaron samtang naglusad sa combat operasyon.
Gibutyag ni 403rd Infantry Batallion,Philippine Army spokesperson Capt Norman Tagros nga sa kanunay dili kasaligan ang mga rebelde bisan nga kini signatory pa sa Comprehensive Agreement on Respect for Human Rights and International Humanitarian Law o CARHIL kon panahon sa gubat.
Nagtinguha ang tropa sa pagbalhin sa laing lokasyon sa dihang gipabutha’g IED sa mga rebelde hinungdan sa pagkaigo
sa ilang army truck sa miaging adlaw.
