CAGAYAN DE ORO CITY-Mabalda ang operasyon sa militar sa oras nga makita nila nga mga menor de edad ang ilang masugat nga makig-engkuwentro sulod sa war zone diin nagtago ang nabiling mga teroristang Maute-ISIS sa Marawi City.
Kini human gibutyag ni Joint Task Force Marawi spokesperson Capt Joan Petinglay nga 10 hangtod 15 anyos ang mga menor de edad ang gigamit sa mga terorista aron makigsangka batok sa ilang tropa sa war zone.
Giangkon ni Petinglay nga tahado ang ilang mga sundalo nga pusilon ang nagsilbing child warriors sa mga terorista kay halos dili nila madawat ang dangatan niini.
Hisayrang sukad miulbo ang kagubot sa Marawi City sa Mayo 23 ning tuiga,kapi’g 700 ka tawo na ang nakalas epekto sa pagpanghasi sa mga terorista.
